നീണ്ടയീ യാത്രയില്‍,
അജ്ഞാതമായ ഈ മറവി എന്നെ വല്ലാതെ അലോസരപ്പെടുത്തുന്നു.
ഒരെട്ടുകാലിവലയിലെന്ന പോലെ മനസ്സതില്‍ കുരുങ്ങിക്കിടന്നു.
താക്കോല്‍ കൂട്ടങ്ങളല്ല.....
ഞാന്‍ എന്ന തെളിവുകളല്ല .....
എന്റെ സമ്പാദ്യവുമല്ല......
അതിലും ആവശ്യമായ,
പ്രിയങ്കരമായ എന്തോ ഒന്ന്.
പ്രിയങ്കരമായ എന്തോ ഒന്ന്.
അതോ മറന്നെന്നു മനസ് കള്ളം പറയുകയോ?
നാവിന്റെ തുമ്പില്‍....
അല്ല മനസിന്റെ കയ്യെത്തും ദൂരത്തെ ഓര്‍മ്മകള്‍ മറവിയുമൊത്ത്
കണ്ണാരം പൊത്തികളിക്കുന്നു
...... പിടി തരാതെ.....
